إعلان
الأخباربكرة في وسط البلد

الويك إند ف وسط البلد .. مزيكا من كل لون وعروض سينما ببلاش

مساؤكم بيضحك ويفرح زي فرحة الويك إند ده، الانبساط بالويك إند ده كتير وحفلاته متنوعة، وفي منطقتي هاندلّكم على أحلى حفلات وخروجات في وسط البلد مش هتلاقوها غير عندنا

نبدأ يوم الجمعة 28 أبريل
إبدأ اليوم بـفطار متأخر و شوية مزيكا جاز في عيش و ملح واختار أحلى المأكولات من منيو البرانش الساعة 1ظ، ومفيش minimum charge

فطار متأخر ومزيكا جاز

وأما تخلص اطلع على الربع عشان تسمع إنشاد ديني هتقدمه فرقة بني الزهراء الساعة 5م.. سعر التذكرة: 30 جنيهًا

فرقة بني الزهراء

ولو دخلت في مود الإنشاد و عاوز تكمل يبقى تروح الساقية الساعة 7:30م عشان تسمع فرقة الحضرة هناك، وأسعار التذاكر: 35-40 جنيهًا

فرقة الحضرة

أما لو عاوز تسمع موسيقى هارب فخليك في الربع اللي هيستضيف عازفة الهارب المصرية منى واصف الساعة 8م، برنامج الحفلة غني بألوان مزيكا مختلفة ما بين كلاسيكية وموسيقى أفلام، ومزيكا شرقي لسيد درويش ومارسيل خليفة وفيروز وموشحات أندلسية، وسعر التذكرة: 50 جنيه

منى واصف

ولو عايز تجرب مزيج المزيكا الإلكترونية مع الشرقي مممكن تسمع موسيقى هشام خرما اللي هيكون موجود في ساقية الصاوي الساعة 8:30م والتذكرة بـ60 جنيه

هشام خرما

أما لو انت زي الحضري و بتحب تسمع لـ بينك فلويد فمكانك في رووم آرت سبيس و اللي بتستضيف فريق بارانويد آيز الساعة 8:30م، اللي هتلعب Covers لفرقة الروك الإنجليزية بينك فلويد والتذكرة بـ50 جنيه.

بارانويد آيز

 

ونروح ليوم السبت 29 أبريل – سيما ومزيكا
و اليوم هيبتدي في مركز جسور الثقافي واللي بيعرض فيلم Son of God الساعة 6م، في الزمالك والدخول مجانًا

Son of God

ولو عاوز تشوف فيلم The Paradise Suite فمكانك في ماجنوليا في الزمالك الساعه 7م والدخول مجانًا

The Paradise Suite

أما لو عاوز تشوف عرض يهدي اعصابك و تسمع موسيقى تنقي روحك فأطلع على وكالة الغوري و إتفرج على عرض فرقة التنورة التراثية واللي هيبتدي 7:30 بس بننصحك تروح بدري عشان تلحق مكان

التنورة

أما بالمسرح المكشوف فـفريق يوركا مستنيكم الساعة 8م و هيقدملكم حفل موسيقي بعنوان “غجرية”

يوركا

ونختم اليوم بحفل المبدع علي الحجار في ساقية الصاوي و اللي هيكون الساعة 9م

على الحجار

انبسطوا

الوسوم
إغلاق
إغلاق