النهاردة في وسط البلد… أدب، مزيكا و زار

مساء الخيرات،، الجو برد اه بس زي ما اتفقنا وسط البلد أكثر دفئًا
يومنا النهاردة خفيف و لطيف ومتنوع

يعني لو غاوي أدب وخصوصاً لو صيني فأنت على موعد مع ندوة إطلاله على الأدب الصيني، في بيت السناري الساعه 5م، الندوة بحضور أدباء صينيين و هيتكلموا فيها عن التجربة الأدبية الصينية.

 

ولو لسة مشوفتش فيلم “هدية من الماضي” أو لو شوفته وعاوز تشوفه تاني فأوزيريس هتعرض الفيلم الساعة 7م

 

أما علبة آلوان الساعة 8م فبتقدم حفل لـهانيا فانسا وهي مغنية و مؤلفة أغاني مصرية اشتركت في العديد من الفرق، وغنت مع عدد من الفنانين

ولو ليك ف الزار حفل فرقة مزاهر هيبتدي في مكان الساعة 8م، الزار مش بس عشان يطلع الجن الزار فن و فلكلور ومن الأشكال الموسيقية القليلة التى تحتل فيها المرأة دورا أساسيا

متنسوش تتابعوا أجندتنا و تنبسطوا