التقارير
الويك إند في وسط البلد.. أكثر من 13 حدث في 11 مكان

مساء الخير و الفرح والانبساط.. الويك إند ده غير عادي، ومليان أحداث.. منطقتي بتقدملكم دليلها الشامل لفعاليات الويك إند واللى مش هتلاقوه في أي مكان تاني..
الجمعة 4 أغسطس
زاوية مستمرة حتى يوم 29 أغسطس بعرض فيلمين
الفيلم الأول هو الفيلم التونسي ” نحبك هادي “، بيتعرض في حفلات : 12ظ ، 2:30م و 7:30م

والفيلم الثاني هو الفيلم الإيطالي Perfect Strangers ويعرض في حفلات 5م و 10م

و في مسرح الفلكي فرقة أبيض في أسود بتقدم العرض المسرحي “ولا كان على بالي”
يوم الجمعة والسبت و هايكون في حفلتين واحدة الساعة 5م والتانية 8م

ولعشاق الشعر فالكاتب ولاء الدين فاروق ينتظركم في مكتبة إبداع الساعة 6م لمناقشة ديوانه “إلى فلانة” و الصادر عن دار الجمل

ولعشاق الإنشاد الديني موعدين
الأول لـفرقة الحضرة في ساقية الصاوي الساعة 7:30م

و الثاني لـفرقة الفجر في مركز الربع الثقافي الساعة 7:30م

ولعشاق أحمد منيب والفن النوبي موعد مع الحفل الشهري لـفرقة منيب باند وده هايكون في ساقية الصاوي الساعة 8م

ونختم اليوم مع حفل دعسوقة باند واللى بتلعب ميكس من الأكوستك/فولك ممزوج بسوينج جرووڤي في رووم آرت سبيس الساعة 9م

السبت 5 أغسطس
هناخد جرعة مكثفة لموسيقى الروك العربي مع حفل فرقة “جدل “ الأردنية و اللي بتنظمه الكوكب بالشراكة مع إنترو
الحفل كمان هايشارك فيه فرقتي ملاذ وخيال وهايكون في الجريك كامبس و هايبدأ من الساعة 5م

و بعيدًا عن المزيكا، مركز جسور الثقافي بيعرض فيلم Gifted الساعة 6م

أما ماجنوليا هايعرضوا الفيلم البولندي “Camera Buff” للمخرج Krzysztof Kieslowski الساة 7م

و الويك إند ده منسيش عشاق التراث و الفلكلور و اللي هايكون ليهم موعدين
الأول لفرقة الخان لإحياء التراث في ساقية الصاوي الساعة 7:30م

والثاني والأخير و اللي هانختم بيه الويك إند هو حفل الفلكلور و السيرة الهلالية لـفرقة فاطمة عادل في رووم آرت سبيس الساعة 9م

إنبسطوا