مساؤكم فل الويك إند الأسبوع دا تحت شعار اتمرد.. واكسر حاجز الكسل!!
بعد ليلة متلجة زي الخميس دا واللي شوفنا فيها وسط البلد وهي مغسولة بالأمطار، وهواها منعش و نضيف، دا دافع قوي ننزل تاني ونستمتع فيها بالجو والحفلات.
الجمعة 17 فبراير
نبتدي بملاذ المكان الرايق اللي قرر الإسبوع ده يدفينا بعرض فيلم “كازبلانكا” الساعة 7م، الفيلم حائز على أوسكار أحسن فيلم ، أحسن تصوير و إخراج.
أما ساقية الصاوي بتقدم حفل غنائي للفنان حمزة نمرة الساعة 7:30م
و بعد ما قدم أغانيه في الولايات المتحدة آدم ميلر هايكون في علبة ألوان الساعة 8م
و نختم اليوم مع حفل موسيقي ريسيتال كلارينيت وبيانو بالمسرح الصغير الساعة 8م
السبت 18 فبراير
ماجنوليا هيعرض الساعة 7م و لأول مرة فيلم Moonlight واللي بيدور حول العلاقات الإنسانية واكتشاف الذات.
و لعشاق الإنشاد الديني الشيخ إيهاب يونس هيقدم حفلة في ساقية الصاوي الساعة 7:30م
وإستمتعوا بريسيتال جيتار للمكسيكي باكو رينتيريا على المسرح الصغير 8م
و أخيرًا علبة ألوان بتقدم حفل غنائي لحسن رمزي و خالد العجاتي الساعة 8:30م
استمتعوا و تابعونا عشان تعرفوا أحداث وسط البلد أول بأول ..