الويك إند في وسط البلد.. كايروكي في الساقية ونحبك هادي في زاوية وعمرو خالد في علبة ألوان

وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا

الجمعة 18 أغسطس

سينما زاوية بتعرض فيلم “نحبك هادي” التونسي في حفلات 12م ، 2:30م و 7:30م   حتى يوم29 أغسطس و سعر التيكت 35ج

افتتاح الدورة السابعة لمهرجان “من فات قديمه تاه الدولي” و يفتتح المهرجان بحفل لفريق (صحبه سمسمية)  في بيت السناري 7م والدخول مجاني

و لعشاق الإنشاد الديني و الحكي فرقة و لسه فنون بتقدم آمسية “نور” في ملاذ  مع المنشد أندرو ميشيل و إخراج و حكي جون ميلاد  الساعة 7:30م التيكت ب20ج

و في سهرة جديدة  الساحر عمرو خالد بيقدم عرض جديد سحر في علبة آلوان 8:30م

و نختم اليوم بحفل غنائي و أول تعاون بين نور خان، شريف الشاذلي وشيڤا في رووم آرت سبيس  9م و سعر التيكت 75ج

السبت 19 أغسطس

اليوم هيبدأ الساعة 6م بـفريق كايروكي اللي بيقدم أول حفلاته بعد إصدار ألبومه الجديد ” نقطة بيضا ” و التيكت ب70ج

و الساعة 7م حفل و سهرة إسكتشات و منولوجات فكاهية “هستيريالوج” في بيت السناري و الحفلة جزء من فعاليات مهرجان من فات قديمه تاه و الحضور مجاني

ونختم بحفل الفرقة الإسكندرانية “أسرار” و اللي بتقدم مزيكا بوست/بروج روك وبيلعبوا مزيكتهم الأوريجنال في رووم آرت سبيس الساعة 9م و سعر التيكت 50ج

إستمتعوا