مساء النشاط و الحيوية الإسبوع ده هيكون نشاطه غير محدود حركة للكبار و قبلهم الأطفال
نبدأ بيوم الجمعة 7 أبريل
خدوا أولادكم الساعة 12 و روحوا إفطروا سوا و جربوا منيو البرانش من عيش وملح الساعة 12 الضهر
و بعد الفطار ممكن بطلعوا على ساقية الصاوي و اللي مسرح العرائس فيها هيقدم لأولادنا مهرجان البطاطا و البطاطس و هيكون في عروض أكروبات و و مهرج و أفلام أطفال و هيستمتعوا جداا و ده هيكون الساعة 3م
أو خليك في عيش وملح لان الساعة 4م العروسة ريحانه و صاحبتها سها سعد هيقدموا عرض للأطفال يحكوا فيه عن النحل و إزاي بيعمل عسل يعني خروجه و فسحه و لعب و تعليم
و لأصحابنا اللي عاوزين يسمعوا إنشاد فعلي الهلباوي بيقدملكم حفل بساقية الصاوي الساعة 7:30م
و الساعة 8م فرقة الطنبورة بالإشتراك مع فرقة الكف الأسواني هيقدموا عروضهم على المسرح المكشوف
أما عشاق الناي و عزف المقام فموعدكم مع الفنان محمد عنتر بمصاحبة الروسي ديمتري في حفل عزف على الناي و العود الساعه 8م برووم آرت سبيس
و أخيراً مهرجان وسط البلد للفنون المعاصرة “دي كاف” بيقدم عروض أفلام رقص قصيرة بمسرح الفلكي الساعة 8م وهيتم عرض لأفلام صنعت بين ٢٠١٠ و ٢٠١٦ مثل “Anim” و “Move Away” و “Silencios” و “Lynching” والفيلم المرشح لجائزة الأوسكار “Timecode” والمنتج عام 2017.
يوم السبت 8 أبريل
فهنبدأ مع فريق كاريوكي و اللي بيقدم حفلين متتاليين في ساقية الصاوي واحد الساعة 4م و الثاني الساعة 7:30م
و عشاق الرائعة فيروز معادكم الساعة 7م في ماجنوليا هتحضروا حفله لفريق فَيرونوليا و اللي بيقدم أغانى فيروز بنظرة فنية جديدة
وأخيراً علبة آلوان بالزمالك بتستضيف فريق ماركو و الأصدقاء و اللي هيقدموا مجموعة من الأغاني المصرية و الأجنبية القديمة و ده هيكون الساعة 8م
نتمنالكم ويك إند سعيد ملون بألوان ورد الربيع
تعليق واحد