مساء الخير، تعرف إزاي تتفسح في وسط البلد بأقل ميزانية؟ وسط البلد مش بس مكان للثقافة و الفنون نقدر نقول الثقافة و الفنون بأقل ميزانية.. و إحنا في منطقتي قررنا نقولكم إزاي تستمتعوا بأقل من 100 جنيه
وهيبتدي يوم الجمعة 14 أبريل
هنبتدي فيه الساعة 5م بمناقشة كتاب نساء لا يدخلن الجنة للكاتب كريم الجمال في مكتبة البلد بحضور السيدة ميرفت موسى الناشطة السياسية، الأستاذة داليا وصفي الباحثة والمهتمة بشئون المرأة، الصحفية مني يسري و الدعوه عامة
والساعة 7:30م هنسمع موسيقى غير مع فريق العزف على الآلات النحاسية «النفيخة» في ساقية الصاوي و سعر التذكرة لغير الأعضاء 35ج و للأعضاء 30ج
ولسة في ساقية الصاوي بس مع فريق الإنشاد السوري “ الإخوة ابو شعر” الساعة 7:30م و سعر التذكرة لغير الأعضاء 40ج و للأعضاء 35ج
و الساعة 8م سرور باند بتقدم موسيقاها لأول مره في علبة آلوان بالزمالك سعر التذكرة 60ج
أما رووم آرت سبيس فبتستضيف الساعة 8:30م عازفة العود و المؤلفة ياسمين البرماوي و اللي بتخلط بموسيقتها بين أنواع عديدة من الموسيقي منها الشرقيه و الكلاسيكية و الروك أيضا و سعر التذكرة 50ج
نروح ليوم السبت 15 أبريل
هنبتدي بأول جلسة تأمل في مشروع مطعم الساعة 12ظ و سعر الحضور 50ج
وعشاق العروض المسرحية معادكم مع عرضين لمسرحية ” في قلبي أنثى عبرية ” في ساقية الصاوي الساعة 5م و الساعة 7:30م وسعر التذاكر ” 60، 40، 30″ج
ومعادكم مع حفل توقيع ومناقشة “سيرة سيد الباشا” لأحمد الفخراني الساعة 7م بمكتبة البلد و يدير الندوة الكاتب الصحفي محمد شعير ويناقش الرواية الناقد عمر شهريار والدعوة عامة
أما في ماجنوليا فهيتم عرض فيلم Almanya- Welcome to Germany الساعة 7م و الدخول مجاني
إستمتعوا ومتنسوش تتابعونا عشان تعرفوا أهم الفعاليات
تعليق واحد