التقارير
الويك إند في وسط البلد.. عودة مهرجان شنيت في زاوية وأنشطة للأطفال في سيماتك وفيروز كراوية في مولانا
مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا
الجمعة 20أكتوبر
نبدأ اليوم في سينما الهناجر اللي بتستضيف المهرجان القومي للسينما المصرية و بيستمر المهرجان حتى يوم 26 أكتوبر و اللي بيتعرض في 7 محافظات اخرى.
وفي نفس التوقيت هتبدأ عروض مهرجان شنيت الدولي للأفلام القصيرة في زاوية في حفلات 5م ، 7:30م ، 10م و يستمر المهرجان حتى يوم 22 أكتوبر الجاري
و الساعة 7م هنسمع ألمع أغاني فريق بلاك تيما زي بحار و زحمه في ساقية الصاوي
و في مسرح الفلكي موعدكم مع عرض ” حكايات خط الأم” و اللي هتحكي فيه بنات و حفيدات حواديت و قصص أمهاتهن و جداتهن، العرض ضمن مبادرة “العرض مستمر ” للسفارة الأمريكية و شركة “وجود” للإنتاج الفني العرض مستمر من يوم 20 وحتى يوم 22 أكتوبر
أما الساعة 7:30 و بعد غياب 5 شهورموعدكم مع حفل الفنانة ” فيروز كراوية”و الباند في مولانا
و إختموا اليوم بأغاني بينك فلويد و اللي بيقدمها فريق ” برانويد آيز” في مساحة رووم آرت سبيس الساعة 9م
السبت 21 أكتوبر
هنبدأ اليوم في سيماتك و اللي بينظم أول فعالية للأطفال الساعة 3م. اليوم هيكون فيه ألعاب و عروض أفلام تحريك و كمان هيقدم الطعام و المشروبات مطعم عيش وملح
الفعالية تستهدف الأطفال من سن 7و حتى 11 سنة
و اللي عاوزين يتعلموا لغات من غير مايدفعوا فلوس في بيت السناري بيقدملكم ورشة لكيفية تعلم اللغات من المنزل وبطلاقة الورشة هتكون الساعة 6م و هتستمر حتى 9م
أما الساعة 7:30م في ماجنوليا فهيتم عرض الفيلم الياباني Yi Yi للمخرج Edward Yang و اللي بيتناول حياة عائلة تايبية من الطبقة المتوسطة ومحاولة كل فرد فيها التصالح مع ماضيه وحاضره.
و عشاق الموسيقى موعدكم مع الدكتورة إيناس عبد الدايم و العازف المجرى بيتر مولاه و اللي هيقدموا خلال الحفل الكثير من المقطوعات الموسيقية الشهيرة و ده هيكون على المسرح الكبير الساعة 8م
و إختموا اليوم بليلة موسيقى إرتجالية حرة مع كوارتيت: موريزيو أباتي (إيطاليا): جيتار موريس لوقا (مصر): كيبوردز رائد ياسين (لبنان): لابتوب/مفاتيح/صوت كونكا (سويسرا): كلارينت في رووم آرت سبيس 9م
إستمتعوا