مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا
الجمعة 27 أكتوبر
هنبدأ يومنا الساعة 6م بمسرح الفلكي و اللي فرقة عالم موازي بتقدم فيه عرض المسرحية الكوميدية ” التجربة الدنماركية” المسرحية مستمره حتى يوم 31 أكتوبر
ولمحبي أفلام بوليوود مركز مولانا آزاد التابع للسفارة الهندية بتنظم أسبوع الأفلام الهندية واللي هيبدأ يوم 27 أكتوبر الساعة 7م بعرض فيلم ديفداس في سينما الهناجر
و الساعة 7م في الربع هتستمتعوا بتواشيح مشايخنا النقشبندي والفشني وطوبار والقصائد الصوفيه والإنشاد الأندلسي بصوت “وصلة سماع”
أما الساعة 7:30م فموعدكم مع الفنانة سمية درويش و اللي هتقدم باقة من اشهر أغانها بساقية الصاوي
و لعشاق التراث و الأغاني القديمة موعد الساعة 8م مع فرقة أنتيكات بقيادة ياسر أنور على خشبة المسرح المكشوف
أما محبي البيانو و الكمان فـ فؤاد و منيب منتظرينكم في سهرة موسيقية خلابه في أوزيريس الساعة 8م
و هتسمعوا قل للمليحة بصوت المنشد علي الهلباوي في ساقية الصاوي الساعة 8م
و إختموا اليوم في ليلة جاز في رووم آرت سبيس و اللي بتستضيف ثلاثي رامي عطا الله للجاز الساعة 9م
السبت 28 أكتوبر
سيماتك هتعيد عرض فيلم “بورتريه لجيسون” لشيرلي كلارك الساعة 4م
و أحبابنا الأطفال هيتعرضلهم مسرحية ” أرض السعادة” مرتين ورا بعض الساعة 6م و الساعة 7م في الربع
ولليوم الثاني لإسبوع الأفلام الهندية و اللي بينظمة مركز مولانا آزاد التابع للسفارة الهندية بسينما الهناجر هيتم عرض فيلم ميرا نام جوكر الساعة 7م
أما في ماجنوليا فهيتم عرض فيلم Things to Come لــ Mia Hansen Love الساعة 7م
و بمعهد الموسيقى العربيه فهتسمع موسيقى من أعماق القارة السمراء بصوت ” مشروع لوبيريا” الساعة 8م
أما مؤلف الموسيقى هشام خرما فمنتظركم في ساقية الصاوي الساعة 8:30م
إختموا الويك إند بسهرة روك في رووم آرت سبيس و اللي بتستضيف فؤقتين من إسكندرية هم “أوبجيكت أوبسكيور وديسؤردر” الساعة 9م
تعليق واحد