التقارير
الويك إند.. فؤاد ومنيب على المسرح المكشوف وParanoid eyes في رووم ونسمة محجوب في افتتاح مهرجان القلعة
مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا
الجمعة 4 أغسطس
و في درب 1718 الساعة 8م معادكم مع البهجة والإنبساط و فريق بهججة و اللي بيقدم أغاني المونولوجات و البهجة بشكلها الجميل
و هنسمع الأسواني “مصطفى رزق” صاحب ألبوم باب اللوق و اللي بيبدع فى تقديم موسيقى الجاز والبلوز بشكل مصرى جديد وده في ساقية الصاوي الساعة 8م و سعر تيكت الحضور 45ج
أما الثنائي فؤاد ومنيب فهيقدموا مؤلفاتهم الموسيقية المعاصرة في حفل غير عادي على المسرح المكشوف الساعة 8م و سعر التيكت 50ج
و بمزج الترانيم و الألحان القبطية مع الأغاني و الأشعار الصوفية يبقى بنتكلم عن ” مشروع صليب صوفي ” و اللي بيقدم حفله في علبة آلوان الساعة 8م و سعر التيكت 75ج
و بختام اليوم موعد مع محبي أغاني Pink Floyd و اللي هيقدمها فريق Paranoid Eyes في رووم آرت سبيس بجاردن سيتي الساعة 9م وسعر الحضور 50ج
السبت 5 أغسطس
ونبدأ الساعة 7م بحفل لمصطفى حسين وفرقته و التي ستقدم مجموعة من اغاني الباند واغاني قديمة بتوزيع جديد و ده في ساقية الصاوي و سعر التيكت 30-25 ج
ولعشاق الأفلام ماجنوليا هتعرض فيلم A Street Cat Named Bob للمخرج روجر سبوتيسوود الساعة 7م و الدخول مجانا
والساعة 7:30م في مشروع مطعم هتقدم فرقة ولسه للفنون سهرة “روح” و اللي بينشد فيها المنشد أندرو ميشيل ويملأ صوت جون إنسان المكان بحكي من نصوص للشاعر محمد الماغوط وايريك شيمانويل واوليائنا الصوفيين و دخول الفرد ب20ج
ومعادكم مع حدث الإسبوع وهو إفتتاح مهرجان القلعة للموسيقى والغناء ال26 و اللي هتفتتحه الفنانه نسمه محجوب و فرقتها في قلعة صلاح الدين الساعة 8م و سعر التيكت 5ج بس
و نختم الويك إند كله بأغاني سودانية بطريقة مختلفة و اللي بيقدمها فريق Sudan Roots في رووم آرت سبيس الساعة 9م و سعر الدخول 50ج
إنبسطوا