التقارير
الويك إند في وسط البلد.. Sudan Roots في علبة ألوان.. وعلي الحجار في الساقية.. وأخيرًا عودة زاوية
مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا
الجمعة 4 أغسطس
نبدأ اليوم بإننا نقولكم إن زاوية رجعت تاني وافتتحت الموسم الجديد ليها بعرض الفيلم الإيطالي “Perfect Strangers” واللي مستمر عرضه حتى يوم 8 أغسطس و بيتعرض في كل الحفلات
ولعشاق الشعر موعدكم مع حفلين للشاعر الشاب عمرو حسن الأول الساعة 4م و الثاني 7:30م و اللي هيقدم فيهم عمرو مجموعة من القصائد الجديدة ومنها مع فرقة موسيقية بقيادة محمد مصطفى
و في مركز جسور إستمتعوا بالطبله و الإيقاع في دايرة طبول مع مصطفى بكار من فرقة “let’s play percussion” الساعة 7م
و لعشاق التراث و الأناشيد الدينية موعدكم مع فرقة سلطان العارفين في الربع 8م
و معادكم مع لقاء مختلف وجديد مع المنشد “علي الهلباوي” تستمعون منه فى الحفل لـ “قل للمليحة ودووم” و أغنيته الشهيرة مرسال لحبيبتى في ساقية الصاوي 8م
و لعشاق الفن السوداني فريق Sudan Roots و اللي هيقدم أغاني سودانية بطريقة مختلفة في علبة آلوان الساعة 8:30م
السبت 5 أغسطس
عندك موهبة او تحب تشوف المواهب الجديدة يبقى الربع مكانك لانه بيقدم “فرصتك في الربع” و هو يوم مخصوص لإكتشاف المواهب الجديدة وهيبدأ اليوم من 5م
و في التاون هاوس فاكتوري لقاء مفتوح مع الباحث والمعماري أحمد زعزع كجزء من معرض “دو – إيت بالعربي” الساعة 7م
أما رووم آرت سبيس فبتقدم حفل للفنان شادي مؤنس و فرقتة حكايات الساعة 9م
و نختم الويك إند كله بحفل الفنان الجميل علي الحجار في ساقية الصاوي 9م
استمتعوا