التقاريربكرة في وسط البلد
الويك إند ف وسط البلد.. الجمعة للمزيكا والسبت بتاع الأدب

على السادة رواد وسط البلد والزمالك عدم ربط الأحزمة لأن “منطقتي” بتوعدكم بانطلاقة فنية الويك إند ده
يوم الجمعه يوم الفنون
وسط مطاعم كتيرة موجودة بوسط البلد إلا إن في مكان مانقدرش نقول عليه إنه مجرد مطعم، هو “عيش وملح”. بننصحكم تروحوا تفطروا و تسمعوا موسيقى الجاز واختاروا من منيو البرانش

و في الزمالك معاد عشاق الأفلام مع فيلم The Salesman الحاصل على أوسكار، في علبة آلوان الدخول بـ50ج يشمل مشروب

أما لعشاق الإنشاد الديني فندعوكم لحفل الربع الساعة 7:30م، بعيدا عن إن المكان روحاني شويتين وبياخدكم لعصر بعيد هيكون فيه حفل لفرقة أعلام المصطفى للإنشاد الديني و التيكيت بـ20ج

أو إطلعوا على ساقية الصاوي و عيشوا مع حفل علي الهلباوي الساعة 7:30م وسعر التيكت 40ج

أما لو ملكش في الإنشاد و عاوز تسمع شوية أغاني، فـفريق بساطة مستنيك في ساقية الصاوي الساعة 8:30م وسعر التيكت لغير الأعضاء 50ج و للأعضاء 45ج

أو إطلع على رووم آرت سبيس اللي بتستضيف دعسوقة باند الساعة 8:30م سعر التيكيت 50ج

أما يوم السبت 13 مايو فموعد عشاق الأدب و الدعوة عامة
الساعة 6م و في مساحة دوار معرض “صور من السودان” للفنان محمد سامي

أما مكتبة البلد فإختارت كتاب “ملحدون في الجنة” لمناقشته مع الباحث المصري سامح عيد الساعة 6:30م

و اسمع رسائل الكُتّاب في مؤسسة دوم الثقافية الساعة 7م
