التقارير

الويك إند في وسط البلد.. إطلاق الألبوم الأول ليسرا الهواري و الفرقة

مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا

الجمعة 15 ديسمبر

نبدأ اليوم مع  فعالية سلو داونتاون اللي بيقيمها مطعم عيش و ملح و اللي بتبدأ من 8 الصبح و من الساعة 12 الظهر لـ 4م هيكون في عرض موسيقى جاز و منسيوش الأطفال بساعة لعرائس الماريونيت من الساعة 4م لـ 5م

و في الجريك كامبس بيعرض الفنان محمد عبله معرضه ” مغارة علي بابا ” و اللي هيقدم فيه كنوزه لعشاق الفن والابداع المعرض يومياً من 11 ص

محمد عبلة
محمد عبلة

 

ولعشاق النيل و الفلكلور السوداني و كمان الطبله رووم آرت سبيس هيجمعكم سوا في دايرة طبول مع الفنانة آسيا مدني و الدايرة هتكون في مركب بالنيل و إستمتعوا. التجمع هيكون من امام مقر رووم الساعة 2م

مركب رووم مع آسيا مدني

و لعشاق تجارب نكهات جديدة للأكل مشروع مطعم بيقدملكم اليوم الأسيوي  اللي هيقدم فيه أشهر الأكلات الأسيوية و هتسمعوا موسيقى وتشوفوا أفلام اسيوية كمان اليوم يبدأ الساعة 6 م

Asian Food

و لعشاق المسارح هتشاركوا بنفسكم في مسرح إعادة التمثيل و اللي بتقدمة فرقة خيوط في دوار الساعة 7م

مسرح إعادة التمثيل

و في قاعة إيوارت بالجامعة الأمريكية تحتفل يسرا الهواري و الفرقة بإطلاق الألبوم الرسمي الأول لهم “نقوم ناسين”  الساعة 8م

نقوم ناسين

و لعشاق الإنشاد الديني موعدين اليوم

الأول مع فرقة الحضرة على مسرح ساقية الصاوي الساعة  7م

الحضرة

الثاني مع فرقة المولوية المصرية لعامر التوني على خشبة مسرح الجمهورية الساعة 8م

المولوية المصرية

 

و إختموا يومكم بالرجوع لرووم آرت سبيس و اللي هتستضيف فريق برانويد آيز و اللي هيقدم باقه من أجمل أغاني بينك فلويد  الساعة 9م

إيجيبادور باند

السبت 9 ديسمبر

درب 1718 هيجمع الأسرة كلها أطفال و كبار  في ” يوم الفخار للعائلة” وهو عبارة عن ورشة اليوم الواحد في صناعة الفخار و هيبدأ اليوم الساة 11ص بجولة لمشاهدة المعارض الفنية المقامة فى درب ١٧١٨- معرض “كايرورغرافي” للفوتوغرافيا وفن الفيديو و بعدها تبدأ الورشة

يوم الفخار للعائلة

و لعشاق الأفلام الساعة 4م سيماتك بيعيد عرض فيلم جان ديلمان و اللي بيستكشف الحياة اليومية بتفاصيلها الدقيقة بحياة أرملة في منتصف العمر.https://www.youtube.com/watch?v=5C5Az-239uM

أما دوار فبيقدم قعدة غنا جماعي للهواة مع داليا يونس لكل عشاق الغنا و الفن الساعة 5:30م

قعدة غنا جماعي للهواة

أما درب 1718 و اللي بيحتفل يوم 22 ديسمبر بعيد ميلاده فمقدملكم مشروع المريخ و هو عبارة عن مساحة للناس تعبر عن نفسها بالطريقة اللي هي عايزاها و ده هيكون الساعة 7م

مشروع المريخ

ولعشاق التراث موعد ثابت مع فرقة التنورة التراثية و اللي بتقدم عرضها في وكالة الغوري كل سبت و إثنين و أربعاء الساعة 7:30م

التنورة

 

إستمتعوا

 

 

الوسوم
إغلاق
إغلاق