التقارير

الويك إند في وسط البلد.. ديزني بالعربي في ماجنوليا ومغارة علي بابا في الجريك كامبس ويوم هندي في مشروع مطعم

سمر فتحي 7 ديسمبر 2017

اقل من دقيقة

مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا

[us_separator type=”invisible”]

الجمعة 8 ديسمبر

هنبدأ اليوم بتجربة منيو البرانش من عيش و ملح و الإستمتاع بفطار متأخر مع مزيكا جاز الساعة 1م

و في الجريك كامبس بيعرض الفنان محمد عبله معرضه ” مغارة علي بابا ” و اللي هيقدم فيه كنوزه لعشاق الفن والابداع المعرض يومياً من 11 ص

و الساعة 6م في ماجنوليا فرقة هستيريا بتقدم حفل “ديزني بالعربي” و اللي هتقدم فيه أغاني ديزني اللي اتربينا عليها وبطريقة مسرحية و لو فاتك حفل الساعة 6م الفرقة هتقدم حفل تاني الساعة 8م

و لعشاق تجارب نكهات جديدة للأكل مشروع مطعم بيقدملكم اليوم الهندي و اللي هيقدم فيه أشهر الأكلات الهندي و هتسمعوا موسيقى وتشوفوا أفلام هندي كمان اليوم هيبتدي من 6 م

أما فرقة المصريين فبتنتظركم في ساقية الصاوي عشان تحتفلوا معاهم بمرور 40 سنه على تأسيسها الحفل هيبدأ 6:30م

و بالمسرح الصغير الساعة 8م مجموعة من عازفات الهارب المصريات من ضمنهم منال محي الدين هيقدموا حفلهم الموسيقي و اللي هيكون كتكريم واهداء إلى الأستاذة ناهد ذكرى والأستاذ سمير ميشيل

كمان فرقة الطنبورة البورسعيدية هتحتفل بعيد ميلادها التاسع والعشرون وبداية عامها الثلاثون بالمسرح المكشوف الساعة 8م

و بمسرح الجمهورية لعشاق الإنشاد موعد مع فرقة الإخوة ابو شعر للإنشاد الديني الساعة 8م

وإختموا يومكم مع ليلة الفلكلور السوداني والإيقاعات الإفريقية مع الفنانة آسيا مدني في رووم آرت سبيس الساعة 9م

[us_separator type=”invisible”]

السبت 9 ديسمبر

درب 1718 هيجمع الأسرة كلها أطفال و كبار في ” يوم الفخار للعائلة” وهو عبارة عن ورشة اليوم الواحد في صناعة الفخار و هيبدأ اليوم الساة 11ص بجولة لمشاهدة المعارض الفنية المقامة فى درب ١٧١٨- معرض “كايرورغرافي” للفوتوغرافيا وفن الفيديو و بعدها تبدأ الورشة