مساؤكم فل وياسمين
الويك إند ده غير اي ويك إند المره دي هنسافر و إحنا لسه في وسط البلد
لأن عاصمة الفنون في القاهرة بتستقبل أهم مهرجان أدائي للفنون المعاصرة و هو مهرجان ” دي كاف” مش بس كده لا ده كمان هتستقبل مهرجان لموسيقى الجاز و غيره
الجمعه 17 مارس
هنبدأ بالجريك كامبس و اللي بيستقبل مهرجان الدي جي و اللي بيقدم فيه 7 من لاعبي الدي جي و ده هيكون الساعة 6م
و في ساقية الصاوي الساعة 7م حفل موسيقي غنائي لفريقي تربيعة و موسى بروجيكت وده التعاون الأول بينهم
اما لو عندك موهبه و عاوز تعرضها فـرووم آرت سبيس هتستقبلك بكرة بليله ميكروفون مفتوح الساعهة 7:30م
و في دوار ففريق إستبينا بيقدم حفله الأول و اللي هيقدم أغاني تراثية من دول مختلفة الساعه 7:30م
أما فيروز كراوية ومشروع مزاجنج فبيقدموا حفل مشترك بمسرح الجمهورية الساعة 8م
و دلوقتي موعدنا مع مهرجان وسط البلد للفنون المعاصرة ” دي كاف” السنوي واللي راجعلنا بعرض تفاعلي “طقوس الربيع” المتفرجين نفسهم هيلعبوا أدوار أساسية فيه وده هيكون الساعة 8م
ننتقل ليوم السبت 18 مارس
ساقية الصاوي بتقدملكم حفل موسيقي مع فريقي حفل هوس والميناء الساعة 7م
و لسه في ساقية الصاوي بس مع حفل إنشاد ديني للشيخ إيهاب يونس الساعة 7:30م
و لعشاق الأدب الياباني موعدكم مع محاضرة أدب ياباني: “يوشيتسونيه، بطل المأساة – عن حياة ساموراي في العصور الوسطى” المحاضرة يلقيها الأستاذ / موريتوشي كويدو (جامعة أوتسوما للبنات في اليابان) في مؤسسة اليابان مكتب القاهرة
و ضمن فعاليات مهرجان حكاوي الجاز قاعة إيوارت الساعة 8م بتستقبل حفل موسيقي لــفريقي واف جاز باند (مصر) وكايرو بيج باند سوسيتي (مصر)
تعليق واحد