مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا
الجمعة 6 أكتوبر
هنبدأ اليوم في مسرح الفلكي الساعة 5م، فرقة كومبارس المسرحية بتقدملكم
عرض مسرحية “ساعات” وهي مأخوذة عن رواية “بضع ساعات فى يوم ما” لمحمد
صادق، العرض هايتعاد الساعة 8م، و هايتعرض مرة أخرى يوم السبت 7 أكتوبر
و ضمن فعاليات مهرجان أڤانسين المُخصص للمسرح الشاب، واللي بيقيمه المعهد الفرنسي،
هايتعرض مسرحية “ضحايا الواجب” للمخرج فادي سمير الساعة 7م و 9م.
و لعشاق الموسيقى و العزف استمتعوا بألحان و عزف الثنائي فؤاد ومنيب
في ساقية الصاوي الساعة 8م
و أخيراً لو عندك موهبة و عاوز تعرضها، أو لو بتحب تسمع المواهب الجديدة
يبقى مكانك رووم آرت سبيس واللي بتقيم ليلة ميكروفون مفتوح الساعة 8م
السبت 7 أكتوبر
دار الأوبرا هتبث أوبرا نورما بتقنية الـ HD على خشبة المسرح الصغير الساعه 5م
و ده ضمن إتفاقية تعاون بينها وبين أوبرا «متروبوليتان» الأمريكية
أما صالون التاون هاوس فهيلتقي الكاتب والروائي طلال فيصل
وهايحاوره مخرج الأفلام الوثائقية بسام مرتضي الساعة 6:30م
و عشاق الأفلام ماجنوليا هتعرضلكم فيلم Alps للمخرج يورجوس لانثيموس الساعة 7م
و بعد أزمته مع الميديا راجعلنا الشيخ إيهاب يونس بحفل إنشاد في ساقية الصاوي الساعة 8م
و اختتموا اليوم بسهرة للفنان علي الحجار و اللي هايكون في ساقية الصاوي الساعة 9م
إستمتعوا