مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا
الجمعة 13 أكتوبر
نبدأ اليوم في مطعم عيش و ملح اللي بينظم إحتفالية سلو داونتاون بالتعاون مع سلو فود كايرو، و هيكون في عرض جاز من الساعة 12ظ إلى 4م و سيتبعه عرض عرائس ماريونيت الساعة 4م
أما ساقية الصاوي الساعة 7م فهتعيد لنا الذكريات الجميله اللي بتصاحبنا وقت نسمع أوبريت الليلة الكبيرة ، لأن فرقة فابريكا هتقدمه لكن بطريقة جديده و نحب نقولكم مش هنشوف عرايس في العرض
في باب اللوق في باب اللوق قعدت استنى جيتها و بتمرجح بحبل الشوق.. ده جزء من كلمات أغنية باب اللوق اللي إتشهر بيها الفنان الأسواني مصطفى رزق و اللي هيكون موجود في ساقية الصاوي الساعة 7:30م و هيقدملكم مجوعه من أغانية
و عشاق فن المقام معادكم مع حفل لفنان الناي محمد عنتر في رووم آرت سبيس الساعة 8م و قبل السهرة هيكون في مقدمة عن فن المقام للباحث الموسيقي السعودي عبدالله الشدّي
أما عشاق الطرب فموعدكم مع فرقة ” يلا نغني ” بقيادة أحمد نبيل في معهد الموسيقى العربية الساعة 8م
و إختموا اليوم بحفل لفرقة عمدان النور الساعة 8م على خشبة المسرح المكشوف، الفرقة اتأسست سنة 2011 بدعوة من الفنان يحيى نديم بهدف تقديم لون فنى مختلف يعبر عن هموم وأحلام وطموحات الشباب المصري
السبت 14 أكتوبر
أخر نداء للي مشافش فيلم أخر واحد فينا لعلاء الدين سليم الفيلم هيعاد عرضه في سيماتك الساعة 4م
و عشاق الإنشاد الديني وقتكم تستتعوا مع فرقة الحضرة في ساقية الصاوي الساعة 7م
و في نفس التوقيت ده هتعرض سيماتك الفيلم الياباني شباب الوحش لـسيجون سوزوكي الساعة 7م و هيعاد عرضه يوم الأحد 4م
اما الساعة 8م فده توقيت البهجه و الفرح و الضحك كله عشان فرقة بهججه هتقدم حفلها في ساقية الصاوي، بهججه بتقدّم أغاني الضحك والبهجة ومونولوجات معاصرة
اما محبي الموسيقى الأفريقية فهيكون ليكم معاد مع مشروع أفريكايرو لـ أحمد عمر وآسيا مدني في مسرح الجنينة الساعة 8م
و أخيرا نختم اليوم مع باند من أشهر باندات الأندر جراوند بمصر ” دعسوقه ” و اللي بيقدموا حفلهم في رووم آرت سبيس الساعة 9م
إستمتعوا