مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا
الجمعة 17 نوفمبر
لبداية مختلفه فهنبدأ بفطار مختلف عن كل اسبوع روحوا ملاذ من 9 ص لـ 12ظ وجربوا منيو إنجليزي أو أمريكي حسب إختياركم
و لعشاق الروايات الكاتب “كريم عدلي” هيستناكم الساعة 4م في ساقية الصاوي لتوقيع روايتيه “ترانزيت و الدم”
أما عشاق الإنشاد و الإبتهالات فموعدكم مع حفلين الاول لفرقة الحضرة بمركز الربع الثقافي و هيبدأ الساعة 7م
و الحفل الثاني هيكون للمنشد و المبتهل علي الهلباوي في ساقية الصاوي و هيبدأ الساعة 8م
و إختموا اليوم بحفل اكوستيك غنائي للفنانة نور خان على خشبة مسرح رووم آرت سبيس الساعة 9م
https://soundcloud.com/nourkhan/layta-li
السبت 18 أكتوبر
هنبدأ بحفل “فرصتك في الربع” و اللى بتهدف فكرته لإلقاء الضوء على المواهب الجديدة و إبرازهم الحفل يقام الساعة 6م بمركز الربع الثقافي .
و ماتنسوش ميعادكم كل سبت و إثنين و أربعاء في وكالة الغوري واستمتعوا بـ عرض التنورة الصوفية الروحاني الساعة 7:30م
واختموا اليوم الساعة 9م في رووم آرت سبيس و اللي بيقف على مسرحها لأول مرة ” جاوي باند” الفريق المصري اللى أسسه محمد عبد اللطيف مغني الفريق، وأحمد الجمل شاعر الفريق سنة 2015.
https://www.youtube.com/watch?v=qHv5_QN2B80