Uncategorized
الويك إند في وسط البلد.. بانوراما وفلكلور ومدح

مساء الخير، وسط البلد كلها خروجات و فسح كلها أغاني ومزيكا، وعشان كده بنقدملكم دليل إسبوعي لكل فعاليات الويك إند عشان ميبقاش عندكم حجة وتنزلوا تنبسطوا
الجمعة 10 نوفمبر
هنبدأ اليوم بفطار متأخر و هنستمتع بمنيو البرنش و هنسمع موسيقى جاز لايف في عيش و ملح

ولعشاق الأفلام بنفكركم بعروض أفلام بانوراما الفيلم الأوروبي اللي بتتعرض في القاهرة بسينما زاوية و سينما الزمالك و المستمرة حتى يوم 18 نوفمبر الجاري

و الساعة 7م ههنستمتع بحفل إنشاد و ذكر لفرقة الحضرة في ساقية الصاوي و هتقدم فيه الفرقة وصلة من المدائح التراثية الصوفية والذكر

و لعشاق سماع آلات النفخ النحاسية، بعد غياب 3 شهور فرقة النفيخة رجعالكم بحفل جديد في ساقية الصاوي الساعة 8م
و أخيراً إختموا اليوم بسماع أغاني بينك فلويد اللي بتقدمها فرقة برانويد آيز في رووم آرت سبيس الساعة 9م

السبت 11 نوفمبر
في حفل مميز من نوعة ضمن حفلات مزيكا في السطح اللي بيقدمها درب 1718 هتقضوا ليلة مميزة مع فرقة سواس كايلي السويسرية بمشاركة مع فرقة بهججة ضيوف الحفل.

ولكل عشاق الموسيقى الشعبية و الفلكلور موعدكم مع أخر أيام مهرجان ونس المقام بالجريك كامبس، يحيي الحفل ثلاث فرق هم فرقة الرانجو –و اللي بتقدم فلكلور سوداني ، فرقة شباب البحر – رأس غارب و يختم الحفل الفرقة الهولندية Kapriol.
و لعشاق حفلات الأكوستيك عمر كاي و هاني هيلعبوا مزيكا كلاسيك روك في رووم آرت سبيس الساعة 9م

و إختموا اليوم بحفل طربي للفنان علي الحجار في ساقية الصاوي الساعة 9م
